Gumikan sa maong komprontasyon, ang
mga lumulopyo sa purok 3 nagsabot-sabot nga magtukod og GKK nga gipangunahan
nila ni Mr. Pulanco, Mr. Sabado, Mr. Jesus Modina, Mr. Lucero, Mrs. Magnabijon,
Mr. Galano, Mrs. Carreon, Mr. Pagalan, og uban pa. Napili nila si SAN ANTONIO
DE PADUA nga patron tungod kay siya matinabangon labi na sa mga pobre. Abril
20, 1986 kini natukod ug gisugdan dayon ang paghimo sa kapilya pinaagi sa
bayanihan. Gumikan sa pagtinabangay nagkahiusa ug nagkasu-od ang mga katawhan
sa purok 3. Ang mga babaye mitabang sa pagluto og sud-an ug pagpanglimpyo sa
palibot ug alegre silang tan-awon kay may kinataw-anay og kumidyahanay samtang
nagatrabaho.
Pagkahuman sa kapilya nagpili dayon ug
mga opisyales. Si Mr. Rafael Pagalan ang namahimong unang president sa GKK.
Nasundan kini ni Mr. Protacio Lucero, Mrs. Nimfa Sanoria (nga pinakadugay nga
nagserbisyo), Mr. Charlie G. Daguplo ug Mrs. Nila G. Samuel sa kasamtangan.
Kasagaran sa nangulo pagtukod mga taga- Kabisay-an og mga taga- Luzon.
Unang napistahan ang patron niadtong
Hunyo 13, 1986, pagkahuman sa misa ang mga miyembro mag-iyahay ug panguli sa
ilang balay aron kuhaon ang ilang mga niluto og gidala sa kapilya aron
magsalo-salo sila pagpaniudto. May ginapahigayon usab silang parlor games sa
mga dagko ug para sa kabataan.
Alegre ang pista kay ang mga silingan
nga purok nanan-aw usab sa maong kalingawan. Diha pay duha ka higayon nga ang
mga youth nagpasiugda ug “fun run” kung diin ang mga may edad og mga batan-on
nagjogging mga alas singko sa kaadlawon. Nagpaprinta pa og t-shirts nga may
marka SADP. Duna pay medical team nga nag-atang simbako adunay makuyapan. Mao
kini ang mga kalihukan atol sa among pagsaulog sa kapistahan ni SAN ANTONIO DE
PADUA.
